Բարաք Օբամայի հայազգի լուսանկարչուհի Սքոութ Թուֆանքյանը Հայաստանի քաղաքացիություն է ստացել

Հայազգի լուսանկարչուհի Սքոութ Թուֆանքյանը, որը հայտնի է ԱՄՆ-ի 44-րդ նախագահ Բարաք Օբամայի հետ համագործակցություններով, ՀՀ քաղաքացիություն է ստացել։ Լուսանկարչուհին լուրով կիսվել է ինստագրամյան սթորի բաժնում՝ հրապարակելով իր հայկական անձնագրի լուսանկարը։

46-ամյա Թուֆանքյանը բնակվում է Նյու Յորքում։ Նա հայտնի է Բարաք Օբամայի լուսանկարներով, որոնք արել է նրա նախընտրական քարոզչության շրջանում, իսկ 2012-ին դարձել ԱՄՆ-ի 44-րդ նախագահի երկու հիմնական ֆոտոլրագրողներից մեկը։ Նրա հեղինակային լուսանկարը, որտեղ Օբաման գրկում է կնոջը՝ Միշել Օբամային, համացանցում վիրուսային տարածում էր գտել՝ դառնալով ամենկիսվածը Twitter-ում եւ ամենից շատ հավանությունների արժանացածը՝ Facebook-ում։