Զարգանում է համագործակցությունը Էրմիտաժի, Սանկտ Պետերբուրգի և Երևանի պետական համալսարանների միջև

Սանկտ Պետերբուրգում կայացել է հայկական ինքնավարության խորհրդի նախագահ Կարեն Մկրտչյանի հանդիպումը էրմիտաժի տնօրեն Միխայիլ Պիոտրովսկու հետ։

Հանդիպման ընթացքում անդրադարձել են Էրմիտաժի, Սանկտ Պետերբուրգի պետական համալսարանի Արևելյան ֆակուլտետի և Երևանի պետական համալսարանի հետ համագործակցությանը վերաբերող հարցերին։

Կարեն Մկրտչյանը շնորհակալություն է հայտնել Միխայիլ Պիոտրովսկուն՝ Երևանի պետական համալսարանի արևելագետների հետ հանդիպումը կազմակերպելու և աջակցելու համար։

Միխայիլ Պիոտրովսկին իր հերթին վստահություն է հայտնել, որ համալսարանների միջև վերականգնված կապը շարունակաբար կզարգանա:

Հաջորդ քայլերից մեկը կլինի ապրիլին ԵՊՀ պատվիրակության այցը Սանկտ Պետերբուրգ՝ երկկողմ համաձայնագրերի կնքմամբ։