Ալեքսանդր Թամանյանի հուշարձան

Երևանի կենտրոնում զբոսնելիս անհնար է անտարբեր անցնել հանրահայտ «Կասկադ» ճարտարապետական-մոնումենտալ համալիրի կողքով: Երբ քաղաքի գլխավոր ճարտարապետ Ալեքսանդր Թամանյանը ստեղծում էր Երևանի գլխավոր հատակագիծը, նա ծրագրեց միմյանց կապել քաղաքի հյուսիսային և կենտրոնական հատվածները՝ քաղաքի պատմականորեն բնակելի և մշակութային կենտրոնները։ Կասկադը հետագայում դարձավ երևանցիների և մայրաքաղաքի հյուրերի այդքան սիրելի զբոսավայրը:

Իսկ 1974 թվականին հենց այդ «Կասկադ»-ում կանգնեցվեց Ալեքսանդր Թամանյանի (1878-1936 թթ.) հուշարձանը:

Հուշարձանի հեղինակներն են քանդակագործ Արտաշես Հովսեփյանը և ճարտարապետ Սեդա Պետրոսյանը։ Արձանի նյութը բազալտից և գրանիտից է։ Թամանյանի արձանի պատվանդանի աջ անկյունում գծագրված է Երևանի հատակագիծը, որի մոտ փորագրված է ճարտարապետի մասին Եղիշե Չարենցի հետևյալ տողը. «Նա տեսել է երևի արևային մի քաղաք»։

ք. Երևան, Մոսկովյան 10