«Ռուսաստանն՝ աշխարհին» մուլտիմեդիա ցուցահանդեսում ներկայացվել է ռուս գիտնական Յուրի Օգանեսյանը

Ստավրոպոլում բացվել է «Ռուսաստանն՝ աշխարհին» մուլտիմեդիա ցուցահանդեսը, որը պատմում է համաշխարհային գիտության մեջ երկրի գիտնականների ներդրման մասին: Ցուցահանդեսը տեղակայված է «Ռուսաստանն իմ պատմությունն է» թանգարանային և ցուցահանդեսային համալիրում:

Այն նվիրված է 40 ականավոր ռուս գիտնականների՝ Միխայիլ Լոմոնոսովից մինչև մեր ժամանակակից Յուրի Օգանեսյանը, ում պատվին անվանակոչվել է Մենդելեևի աղյուսակի 118-րդ քիմիական տարրը։

Ինտերակտիվ ձևաչափով ցուցահանդեսը ներկայացնում է հանճարեղ պատմաբանների, ֆիզիկոսների, քիմիկոսների, մաթեմատիկոսների, դիզայներների, ինժեներների, բժիշկների գյուտերը: Երիտասարդ այցելուների համար տեղադրվել են դրա հիման վրա վիկտորինաներով մուլտիմեդիա վահանակներ։

Թանգարանի փոխտնօրենի խոսքով՝ ցուցահանդեսը հետաքրքիր կլինի բոլոր նրանց համար, որոնք հպարտանում են իրենց երկրի պատմությամբ, հետաքրքրվում գիտությամբ և ցանկանում են զարգանալ այդ ուղղությամբ: Ցուցահանդեսը հնարավոր կլինի տեսնել նաև Պյատիգորսկում, իսկ Ստավրոպոլում այն կտևի մինչև օգոստոսի 25-ը։