Արտակ Շոլինյան․ Արվեստի մարդը

Alpha News-ը շարունակում է ներկայացնել «Ալֆա պերսոնա» շարքը:

Օգոստոսի 19-ին դերասան Արտակ Շոլինյանի ծննդյան օրն է։

Նա ծնվել է 1981 թվականին Լոռու մարզի Ամոջ գյուղում։ Վաղ տարիքից սովորել է երաժշտական դպրոցում դաշնամուրի դասարանում և ակտիվ մասնակցություն է ունեցել դպրոցական ներկայացումներին։

Դպրոցից հետո ընդունվել է Երևանի թատրոնի և կինոյի պետական ինստիտուտի ռեժիսորական բաժինը, իսկ երկու տարի անց զորակոչվել բանակ։ Զորացրվելուց հետո ուսումը շարունակել է ՌԴ-ում ՀՀ դեսպանատանը կից թատերական ստուդիայում։

1996-2011 թվականներին սովորել է Մոսկվայի նկարչության, քանդակագործության և ճարտարապետության ուսումնարանում՝ գրաֆիկական դիզայնի ֆակուլտետում։

2004 թվականին դարձել է Մոսկվայի հայկական թատրոնի դերասան։ 1995 թվականից Շոլինյանը Բազմամշակութային կենտրոնում աշխատում է որպես ռեժիսոր և դերասանական վարպետության ուսուցիչ:
Արտակ Շոլինյանը նաև Մոսկվայի հայտնի «Գավիթ» թատրոնի դերասան է։