Լրագրողներն ու բլոգերները Մոսկվայում այցելել են НТВ-ի և RT-ի խմբագրություններ

Լրագրողների և բլոգերների համար կրթական շրջագայության մասնակիցները, այդ թվում՝ Alpha News-ի թղթակից Արփինե Բաղդսասարյանը, այցելել են Մոսկվայի НТВ-ի և RT-ի խմբագրություններ։ Այս մասին տելեգրամյան իր ալիքում հայտնում է «Եվրասիա» ոչ առևտրային կազմակերպությունը:

«Մասնակիցները մայրաքաղաք են ժամանել Մոլդովայից, Հայաստանից, Ուզբեկստանից, Ղրղզստանից, Ղազախստանից և Տաջիկստանից։ Նրանց համար պատրաստել են հագեցած ծրագիր՝ դասախոսություններ, վարպետության դասեր, էքսկուրսիաներ Մոսկվայում, այցելություններ հեռուստաալիքներ և շփում հայտնի լրագրողների հետ։

«Օստանկինո»-ում խումբը եղել է НТВ-ի և RT-ի խմբագրությունում, «ЧП», «Հրաշքների դաշտ», «Կա թեմա», «Բարի գիշեր, երեխաներ» ծրագրերի ստուդիաներ։ Մասնակիցներին նաև ցույց են տվել RT International-ի և RT Arabic-ի աշխատանքը։ Նրանք ծանոթացել են հաղորդավարներ Սասկիա Թեյլորի, Ռորի Սուշեի և հատուկ թղթակից Կոնստանտին Պրիդիբայլոյի հետ։