Ընդդիմադիր քաղաքական գործիչներն իրազեկման ակցիաներ են իրականացնում Երևանում

Երևանում մեկնարկել են ընդդիմադիր քաղաքական գործիչների՝ Անկախության պաշտպանությանն ուղղված իրազեկման ակցիաները։

«Սկսում ենք Անկախության պաշտպանության իրազեկման հետ կապված ակցիաները։ Այժմ մետրոպոլիտենում ենք, այնուհետև կշարժվենք տարբեր ուղղություններով»,– հայտարարել է «Ուժեղ Հայաստան» խմբակցության ղեկավար Նարեկ Կարապետյանը։

Ակցիայի նպատակադրումներին անդրադարձել է նաև ԱԺ պատգամավոր Քրիստինե Վարդանյանը՝ ընդգծելով. «Սա պարզապես Սահմանադրության որևէ հոդվածի խնդիր չէ, սա անկախության ու ինքնիշխանության հարց է»։

Իրազեկման երթերն ու ակցիաները շարունակվում են մայրաքաղաքի տարբեր հատվածներում։