Վլադիվոստոկի հայկական եկեղեցում նշել են Գիտելիքի օրը

Վլադիվոստոկ քաղաքի Սուրբ Գևորգ հայկական եկեղեցում տոնական մթնոլորտում նշվել է Գիտելիքի օրը:

Նոր ուսումնական տարվա շեմին աշակերտները եկել են հայկական եկեղեցի՝ օրհնություն ստանալու և աղոթելու՝ Տիրոջից օգնություն և աջակցություն հայցելով նոր գիտելիքների և ձեռքբերումների ճանապարհին:

Արտակ քահանա Սուլթանյանը, դիմելով ներկաներին, հորդորել է մշտապես կատարելագործել գիտելիքներն ու հմտությունները։ Սուրբ պատարագից հետո տեղի է ունեցել եկեղեցու բարերարների կողմից պատրաստված նվերների հանձնումը, ինչպես նաև հանդիսավոր ընդունելություն: