Ակնկալում ենք՝ խաղաղության փաստաթղթի իրականացումը հուսալի ճանապարհ կհարթի Կովկասում կայունության համար. ՀԱՊԿ գլխավոր քարտուղար

Բիշքեկում ՀԱՊԿ Խորհրդարանական վեհաժողովի խորհրդի նիստում կազմակերպության գլխավոր քարտուղար Իմանգալի Թասմագամբետովը հայտարարել է, որ Կովկասում որոշակի դրական տեղաշարժեր կան։

Նրա խոսքով՝ դրանք բանակցությունների ավարտի և խաղաղության միջպետական փաստաթղթի տեքստի համաձայնեցման մասին Հայաստանի և Ադրբեջանի հայտարարություններն են:

«Փաստաթղթի շուտափույթ ստորագրման հույս ունենք: Ակնկալում ենք նաև, որ դրա իրականացումը ճանապարհ կհարթի Հարավային Կովկասում խաղաղության և կայունության համար»,- ասել է նա: