Բաքվի հետ քննարկում ենք միջազգային հարթակներում միմյանց դեմ վեճերից հրաժարվելու հարցը. Արարատ Միրզոյան

Այսօր ՀՀ ԱԳ նախարար Արարատ Միրզոյանը ասուլիս է տվել Նիդերլանդների արտաքին գործերի նախարար Կասպար Վելդկամպի ժամանակ: Միրզոյանը հայտարարել է, որ Ադրբեջանի հետ քննարկում են միջազգային իրավական հարթակներում վեճերից, հայցերից, գանգատներից հրաժարումը:

«Այո, մենք Ադրբեջանի հետ քննարկում ենք նաև այնպիսի դրույթներ, ինչպիսիք են, օրինակ, Հայաստան-Ադրբեջան միջպետական սահմանին երրորդ կողմերի ուժերի բացառումը, միմյանց նկատմամբ միջազգային իրավական հարթակներում վեճերից, հայցերից, գանգատներից հրաժարումը և, եթե համաձայնվեցվի, ստորագրվի և մտնի ուժի մեջ, այս կետերը, ինչպես և մնացած բոլոր կետերը, ենթակա են պարտադիր կատարման»,- ասել է ՀՀ ԱԳ նախարարը:

Միրզոյանը նաև խոսել է ԵՄ-ին Հայաստանի անդամակցության մասին:

«Մենք վարում ենք հավասարակշռված արտաքին քաղաքականություն, ունենք քաղաքական նախաձեռնություններ, որոնք առաջին ընթերցմամբ անցել են խորհրդարանում և հուշում են, որ Հայաստանը պետք է սկսի ԵՄ-ին անդամակցելու գործընթացը։ Մենք խորը հարաբերություններ ունենք ԵՄ-ի հետ, որոնք այսօր խորացնում ենք, և մի քանի ամիս առաջ ռազմավարական պայմանագիր ստորագրեցինք նաև ԱՄՆ-ի հետ։ Միաժամանակ մենք շարունակում ենք մեր գործընկերությունը Ռուսաստանի հետ։ Առաջին հերթին մենք շահագրգռված ենք մեր հարևանների՝ Իրանի հետ հարաբերությունների զարգացմամբ»,- ասել է Արարատ Միրզոյանը։