Բազմաթիվ քրգործերն ու թեկնածուների ձերբակալությունները, այդ թվում՝ «Լռության օրը», հարցեր են առաջացնում․ Տուրով
08 Հունիսի 2026, 15:35
Ընտրական գործընթացի մասնակիցներից բազմաթիվ հաղորդումներ են ստացվել այն մասին, որ ընդդիմության ներկայացուցիչների նկատմամբ հարուցված քրեական գործերն ու նրանց ձերբակալությունները վարչական և քաղաքական ճնշման դրսևորումներ են։ Երևանում կայացած մամուլի ասուլիսի ընթացքում հայտնել է ԱՊՀ Միջխորհրդարանական վեհաժողովի դիտորդ, ՌԴ Պետդումայի ԱՊՀ հարցերի, եվրասիական ինտեգրման և հայրենակիցների հետ կապերի հանձնաժողովի փոխնախագահ Արտյոմ Տուրովը։
«Հարկ է ուշադրություն դարձնել, որ այդ իրադարձությունները տեղի են ունեցել նույնիսկ «Լռության օրը», ինչը որոշակի հարցեր է առաջացնում», — ասել է Տուրովը։
Նա անդրադարձել է նաև ընտրողների ցուցակների հետ կապված ՀՀ քաղաքացիների բողոքներին։ Տուրովի խոսքով՝ ընտրությունների օրը իրենք այցելել են 14 ընտրատեղամաս, և բազմաթիվ քաղաքացիներ հարցեր են բարձրացրել ընտրացուցակների վերաբերյալ։
«Քաղաքացիներից ստացվել են հարցումներ՝ կապված ընտրողների ցուցակների հետ։ Մասնավորապես, հաղորդվել է, որ մի շարք բնակարաններում և տներում հաշվառված են եղել անծանոթ անձինք, որոնց բնակիչները չեն ճանաչել և երբևէ չեն առնչվել նրանց հետ։ Այդ հանգամանքներն արձանագրվել են ընտրատեղամասերի արձանագրություններում», — եզրափակել է ՌԴ Պետդումայի պատգամավորը։
Հիմա եթերում
