Դիսնեյը «Վարդավառ»-ի մասին անիմացիոն ֆիլմ է նկարահանել

Լոս Անջելեսում գործող AFS ՝«Հայկական կինոընկերությունը», տեղեկացնում է, որ «Mickey Mouse Funhouse»-ը պատրաստվում է ցուցադրել հայերենով մի դրվագ՝ « Վարդավառ» տոնակատարության մասին:

«Վարդավառ» վերնագրված դրվագը (1 սերիա) գրել է Քեթլին Սառնելի Կապուկչեանը։ Ըստ AFS-ի՝ Կապուկչեանը դրվագը գրել է իր մանկահասակ որդու համար։

Սա հայկական մշակույթի առաջին ներկայացումն է Դիսնեյում:

Դրվագի առանցքում Մինի Մաուսն է, ով սխալ հանդերձանք է կրում Վարդավառը տոնելու համար: Դրվագի պաշտոնական նկարագրության մեջ ասվում է.

«Մինին բախվում է նորաձևության կեղծիքի, երբ հասկանում է, որ սխալ հանդերձանքով է նշելու Վարդավառը՝ հայկական ավանդական փառատոնը, որը ներառում է ջրային խաղեր և տոնակատարություններ: Կկարողանա՞ Մինին ժամանակին գտնել կատարյալ զգեստ՝ տոնակատարությանը մասնակցելու համար»։

«Mickey Mouse Funhouse»-ը նախադպրոցական մանկական անիմացիոն հեռուստասերիալ է և հանդիսանում է «Mickey Mouse Clubhouse»-ի և «Mickey Mouse Mixed Adventures»-ի իրավահաջորդը: Սերիալի դեբյուտը տեղի է ունեցել Disney Junior-ում 2021 թվականի օգոստոսի 20-ին։

«Վարդավառ»-ի պրեմիերան կկայանա Disney+-ում ուրբաթ օրը՝ մարտի 1-ին։