Երևանն անվտանգության ոլորտում իրեն անորոշ դրության մեջ է դնում․ Մովսես Ղազարյան

ՀԱՊԿ-ում ձայնի իրավունքի կասեցումը պարզապես ձևակերպում է Երևանի՝ անվտանգության լիարժեք երաշխիքներ չունեցող երկրի կարգավիճակը։ Այս մասին Alpha News-ի հետ զրույցում ասել է քաղաքագետ Մովսես Ղազարյանն՝ անդրադառնալով ՀԱՊԿ-ում Հայաստանի ձայնի իրավունքի հնարավոր կասեցմանը։

«Սա հենց Հայաստանի վարած քաղաքականության արդյունքն է։ Փաշինյանի օրոք Երևանը հեռանում է անվտանգության կառույցներից՝ վնասելով Ռուսաստանի հեղինակությանը, սակայն միևնույն ժամանակ չի հրաժարվում իրական պաշտպանությունից։ ՀԱՊԿ-ն անարդյունավետ համարելով՝ Հայաստանը դուրս չի բերում ռուսական ռազմաբազան՝ փորձելով ապալեգիտիմացնել իր գործընկերոջը, բայց միաժամանակ պահպանել նրա աջակցությունը», — նշել է Ղազարյանը։

Alpha News-ի զրուցակցի կարծիքով՝ Հայաստանի և ՀԱՊԿ-ի առճակատման արդյունքում հաղթողներ չեն լինելու։

«Հաղթողներ չկան։ Սա հարված է արդյունավետ համակարգին, որն ապացուցել է իր նշանակությունը Ղազախստանում և 1990-ականներին Հայաստանում։ Առանց Ռուսաստանի Դաշնության հովանու ներքո գործընկերության՝ հետխորհրդային տարածաշրջանը վաղուց կմասնատվեր արտաքին սպառնալիքների ազդեցության ներքո», — ընդգծել է փորձագետը։

Մովսես Ղազարյանը նշել է նաև, որ Երևանը դե ֆակտո հենց ինքն իրեն է դնում միջազգային-քաղաքական անորոշ դրության մեջ, այլ ոչ թե Ռուսաստանին կամ ՀԱՊԿ-ին։