Եթե ճանապարհը տանք, Սյունիքի հարցը կփակվի. Գեորգի Մկրտչյան

Մեղրիի բնակիչ Գեորգի Մկրտչյանի մանկության երազանք էր իր ծննդավայրում այգի ու տուն կառուցել, այնտեղ ապրել։

«23 տարեկանում գնացի Պետերբուրգ, ամուսնացա, բայց իմ մանկության երազանքն այստեղ ապրելն է եղել: Թոշակի անցնելուց հետո կնոջս հետ պայմանավորվել էի, որ ինքն էլ պետք է գա: Բայց երբ տեսա, որ գալու մտադրություն չունի, եկա, սկսեցի աշխատել: Մինչև հիմա աշխատում եմ: Իմ աշխատանքային գրքույկում կա նշված 35 աշխատատեղ: Ամեն տեղ աշխատել եմ»,-ասել է նա:

Գեորգի Մկրտչյանի խոսքով՝ թուրքերին հիմա էլ Սյունիքն է պետք, և եթե ճանապարհը տան, կփակեն Սյունիքի հարցը:

«Ինչպես Մոնթեն էր ասում` «եթե կորցնենք Արցախը, կշրջենք հայոց պատմության վերջին էջը»: Նույնն է Սյունիքի դեպքում: Աստված մի արասցե, հաջորդը Սյունիքը լինի»,-նշել է Մեղրիի բնակիչը:

Դրա համար, ըստ նրա, պետք է համախմբվել: Նա նշել է, որ այսօր Հայաստանը չունի լավ ղեկավարություն, որը կհամախմբի ժողովրդին:

Անդրադառնալով խաղաղության պայմանագրին՝ Գեորգի Մկրտչյանն ասել է․ «Պայմանագիրը խնդրելով չէ, այն պետք է երկկողմանի լինի: Այսօր ՀՀ ղեկավարն ասում է, որ կռիվ չլինելու դեպքում նշաձողը պետք է իջեցնել: Ինչքա՞ն իջեցնենք: Նոյեմբերի 9-ի պայմանագրում ասվում էր՝ «կողմերը կանգնում են այնտեղ, որտեղ եղել են հայտարարության ստորագրման պահին»: Բայց եկան հասան Կապանի օդանավակայան, մտել են Ջերմուկ․․․»։

Մանրամասները՝ տեսանյութում:

Տեսանյութը՝ Marz News-ի: