Եթե չընտրեն մեր թեկնածուներին, ունենք մեր մարտավարությունը. Արամ Վարդևանյան

Խմբակցությունն ունի ցանկացած իրավիճակի վերաբերյալ հստակ մարտավարություն, պարզապես կխնդրեմ սպասել, ըստ արդյունքի՝ խմբակցությունն իր դիրքորոշումը կներկայացնի։ Այս մասին Ազգային ժողովում լրագրողների հետ զրույցում ասել է ԱԺ փոխնախագահ Արամ Վարդևանյանն՝ անդրադառնալով մշտական հանձնաժողովի նախագահների պաշտոններում ընդդիմադիր թեկնածուների չընտրվելու հավանական սցենարներին։

Վարդևանյանն ընդգծել է, որ ընդդիմադիր թեկնածուների առաջադրման հարցում պետք է առաջնորդվել իրավական, այլ ոչ թե քաղաքական սկզբունքներով։

«Ընդդիմադիր խմբակցության կողմից կատարվել է առաջադրում, և այն պետք է հարգել։ Սա նկարագրում եմ դասական, բարձր ժողովրդավարական ստանդարտի տեսանկյունից»,- նշել է նա։