Ինչպե՞ս կարող եմ եղբորս որդուն սպանողի հետ բարեկամություն անել․ քաղաքացին՝ Ադրբեջանի հետ խաղաղության մասին

«Սա խաղաղություն չի, մենք բոլորս էլ կռվել ենք ու կկռվենք, բայց այս պայմաններով խաղաղությունն անհնար է։ Ինչպե՞ս կարող եմ իմ եղբոր որդուն սպանողի հետ բարեկամություն անել»,- հայ-ադրբեջանական հնարավոր խաղաղության թեմայով հարցման ընթացքում նման կարծիք է հայտնել Վայոց ձորի բնակիչներից մեկը։

Քաղաքացիներից մեկի խոսքով՝ սահմանային նոր զիջումներն ու անկլավների հնարավոր հանձնումը երկիրը կտանեն ներքին բախումների։

«Եթե վաղը ևս մի քանի անկլավ հանձնվի, ընդդիմությունը կակտիվանա, և կռիվը կլինի ոչ թե դրսից, այլ երկրի ներսից՝ վերածվելով քաղաքացիական պատերազմի, որի հետևանքով էլի անմեղ երեխաներ կզոհվեն»,- նշել է մեր զրուցակիցը։

Մանրամասները՝ տեսանյութում։