Իշխանությունները թքած ունեն հայ-ռուսական 100-ամյա բարեկամության վրա․ հարցում Երևանում
28 Մայիսի 2026, 20:30
«Ռոսսելխոզնադզոր»-ն այսօր հայտնել է, որ Ռուսաստանը մայիսի 30-ից ժամանակավոր սահմանափակումներ կսահմանի Հայաստանից թարմ լոլիկի, վարունգի, պղպեղի, կանաչ բանջարեղենի և ելակի ներմուծման վրա, մինչև առաքվող ապրանքների անվտանգությունն ապահովելու համար համապատասխան արձանագրության մշակումը։ Թեմայի վերաբերյալ Alpha News-ը հարցում է անցկացարել Երևանում՝ լսելու քաղաքացիների կարծիքը։
Քաղաքացիների խոսքով՝ ամեն բան փոխադարձ է, և եթե ՀՀ-ն գնում է դեպի Արևմուտք, բնական է, որ ՌԴ-ն պետք է նման վերաբերմունք ցուցաբերեր։
«Միակ ելքը նախկին նորմալ հարաբերությունները ՌԴ-ի հետ վերականգնելն է։ Դարձել ենք խաղաքարտ բոլորի ձեռքին։ Ես չեմ ասում, թե ռուսը իդեալական է, ո՛չ։ Բայց, համենայնդեպս, նա մեր գլուխը չի կտրի ու գնդակ չի խաղա»,- նշել է հարցման մասնակիցներից մեկը։
Բնակիչների խոսքով՝ ՀՀ-ի գործող իշխանությունները թքած ունեն ՌԴ-ի և հայ-ռուսական 100-ամյա բարեկամության վրա։
«Մեր տնտեսությունը մեծապես կախված է ռուսական շուկայից։ Պետք է շարունակել բարեկամական հարաբերությունները դիվանագիտական ճանապարհով, քանի որ ուրիշ ճանապարհ չկա»,- ընդգծել է մեկ այլ քաղաքացի։
Մանրամասները՝ տեսանյութում։
Հիմա եթերում
