Կրեմլում ակնկալում են, որ Հայաստանը կմասնակցի ԵԱՏՄ առաջնորդների հանդիպմանը

Ռուսական կողմն ակնկալում է, որ Հայաստանը այս կամ այն ձևով կմասնակցի Աստանայում կայանալիք Եվրասիական տնտեսական միության առաջնորդների հանդիպմանը։ Այս մասին լրագրողների հետ զրույցում հայտարարել է ՌԴ նախագահի մամուլի քարտուղար Դմիտրի Պեսկովը։

«Մենք ակնկալում ենք, որ այս կամ այն կերպ հայկական կողմն, այնուամենայնիվ, կմասնակցի այս շատ կարևոր հանդիպմանը՝ շարունակելով իր անդամակցությունը ԵԱՏՄ-ին»,- ասել է Պեսկովը։

Բարձրագույն Եվրասիական տնտեսական խորհրդի նիստը և Եվրասիական տնտեսական 5-րդ ֆորումը կանցկացվեն Աստանայում մայիսի 28–29-ին։ Ավելի վաղ Նիկոլ Փաշինյանը հայտնել էր, որ չի մեկնի Աստանա՝ ընտրարշավի պատճառով։ ԵԱՏՄ առաջնորդների հանդիպմանը Հայաստանը կներկայացնի փոխվարչապետ Մհեր Գրիգորյանը։