Թուրքիայի հետ հարաբերություններ պետք է լինեն, բայց պետք է ներողություն խնդրի․ «Ժողովուրդն է խոսում»
23 Մայիսի 2025, 23:32
«Ժողովուրդն է խոսում»․ Alpha News-ի այս նախագծի շրջանակներում մենք հարցախույզ ենք արել մայրաքաղաք Երևանում, ինչպես նաև ԱՄՆ-ի և Ռուսաստանի հայաշատ համայնքներում՝ պարզելու քաղաքացիների կարծիքը վերջին շրջանի կարևորագույն թեմաների վերաբերյալ:
«Թուրքիայի հետ հարաբերություններ պետք է լինեն, բայց աշխարհում պետք է առաջ տանենք Հայոց ցեղասպանության ճանաչման հարցը, և Թուրքիան պետք է ներողություն խնդրի»,- ասել է քաղաքացիներից մեկը։
Մեկ այլ քաղաքացու խոսքով՝ թշնամու հետ բարեկամություն չի կարող լինել։
«Կարծում եմ՝ հնարավոր է բարեկամանալ Թուրքիայի հետ, դիվանագիտորեն մոտենալ»,- նշել է հարցախույզին մասնակցած քաղաքացիներից մեկը։
«ՀՀ իշխանությունները բացառապես թուրքական օրակարգ են առաջ տանում։ Եթե նրանք Հայաստանի շահերը պաշտպանեին, Արցախը չէր հայաթափվի։ Նախորդ ոչ մի կառավարության շուրթերից չի հնչել «Արցախն Ադրբեջանի մաս է, և վերջ» արտահայտությունը։ Եթե Արցախում ցեղասպանության ենք ենթարկվել, ինչպե՞ս կարող ենք խաղաղություն կնքել։ Դա կեղծ օրակարգ է»,- հավելել է մեկ այլ քաղաքացի։
Հիմա եթերում
