Յանա Եգորյանը` աշխարհի գավաթի բրոնզե մեդալակիր

Պերուի մայրաքաղաք Լիմայում կայացած աշխարհի գավաթի փուլում սուսերամարտի Ռուսաստանի կանանց հավաքականը, որի կազմում հանդես էր գալիս հայազգի ռուս սուսերամարտիկ, Օլիմպիական խաղերի կրկնակի չեմպիոն, աշխարհի եռակի, Եվրոպայի թիմային առաջնության 6-ակի չեմպիոն Ռուսաստանի սպորտի վաստակավոր վարպետ Յանա Եգորյանը, թիմային մրցումներում նվաճել է ոսկե մեդալ:

Մրցումների շրջանակում Յանան դարձել է բրոնզե մեդալակիր: Նա հաղթել է Անաստասիա Շորոխովային (15:12), Ուզբեկստանից Զայնաբ Դայիբեկովային (15:13), Լարիսա Այֆլերին (15:12) և Մարիելա Վիալեին (15:9) և դուրս եկել կիսաեզրափակիչ: Սակայն կիսաեզրափակչում պարտվել է Սառա Նուտչային։

Եզրափակչում Ռուսաստանի հավաքականը 45:43 հաշվով առավելության է հասել Ֆրանսիայի թիմի նկատմամբ: Բրոնզե մեդալակիրներ են դարձել Հունգարիայի ներկայացուցիչները: