Թրամփի հաղթանակը Ռուսաստանի հետ հարաբերությունների բարելավման հնարավորություն է. Ռաֆայել Օրդուխանյան

ԱՄՆ հարցերով փորձագետ, քաղաքագետ Ռաֆայել Օրդուխանյանը Alpha News-ի եթերում մեկնաբանել է Դոնալդ Թրամփի նախընտրական խոստումները և հույս հայտնել, որ ԱՄՆ-Ռուսաստան հարաբերությունները կբարելավվեն:

«Թրամփի հայտարարությունները կարելի է բաժանել մի քանի փուլերի. դա այն է, ինչ նա ասում էր ընտրություններից առաջ, ընտրությունների ժամանակ, բայց հիմա, երբ ընտրություններն անցել են, նրա հռետորաբանությունը մի փոքր փոխվում է, իսկ երբ հունվարին նա անցնի երդմնակալության գործընթացը, ապա այն ավելի շատ կփոխվի։ Բայց ես այն քաղաքագետների շարքին եմ դասվում, որոնք ողջունում են նրա հաղթանակը՝ համարելով դա ի օգուտ Ռուսաստանի: Եվ ոչ այն պատճառով, որ ես նրանից ինչ-որ մեծ ձեռքբերումներ կամ Ռուսաստանի հետ ինչ-որ իրական լուրջ երկխոսություն եմ ակնկալում, թեև նա այդ մասին բազմիցս հայտարարել է։ Նույնիսկ եթե մենք հանենք այդ հռետորաբանությունը և ասենք, որ մենք չենք վստահում, կամ ինչպես Պուտինն էր ասում. «մենք չենք հավատում խոսքերին, հավատում ենք գործերին»:

Ես ելնում եմ ոչ թե նրանից, թե ինչ էր ասում Թրամփը, այլ նրանից, թե ինչ վիճակում են այժմ ռուս-ամերիկյան հարաբերությունները, իսկ դրանք արդեն շրիշակից ցածր են: Ինչպես ասում են՝ ռուսական մշակույթը չեղարկվում է , Չայկովսկի չեն կատարում, էլ չեմ խոսում ուսանողների, գիտնականների նկատմամբ վերաբերմունքի մասին, դա ռուսատյացություն է, իսկ հաջորդ քայլը պատերազմն է։ Ընդ որում, ոչ թե սառը, այլ լայնամասշտաբ։ Եվ այստեղ ես կարող եմ պնդել, որ Թրամփը դա չի ցանկանում՝ ելնելով օբյեկտիվ, զուտ գործնական պատճառներից, ուստի կարծում եմ, որ նրա գալով միայն բարելավում կլինի», — ասել է Օրդուխանյանը։

Փորձագետի խոսքով՝ Դոնալդ Թրամփը և նրա թիմը շատ չափված և զուսպ հռետորաբանություն են ցուցաբերում Ռուսաստանի և նրա առաջնորդի հասցեին:

«Հնարավոր են տարբեր սցենարներ, բայց մենք այժմ ելնում ենք նրա քաղաքականության դեկլարատիվ մասից, քանի դեռ Թրամփը չի մտել գործնական փուլ, չնայած նրա վարչակազմն արդեն որոշակի քայլեր է ձեռնարկում, որոնց միջոցով կարելի է ինչ-որ շղթաներ կառուցել: Եկեք վերադառնանք և համեմատենք անցած վարչակազմի դեկլարատիվ մասի հետ, որտեղ կային պարզապես կոնկրետ անվանարկումներ, և մարդասպան, և բռնապետ, և ինչպես ասես չէին արտահայտվում ՌԴ առաջնորդի հասցեին, ահա թե ինչ մակարդակի վրա էր դեկլարատիվ մասը։

Իսկ ինչպե՞ս է արձագանքել Թրամփը։ Միշտ շատ զգույշ, միշտ շատ հարգալից: Կամ վերցնենք նրա շրջապատը, նույն Թալսի Գաբարդը, Իլոն Մասկը կամ Վիվեկա Ռամասվամին, տեսեք, թե որքան հիանալի ելույթ ունեցավ Ջեյ Դի Վենսը՝ ասելով, որ հակամարտությունները պետք է դիտարկել համատեքստում, և որ ամեն ինչ այնքան էլ միանշանակ չէ: Այսինքն՝ նրանց հռետորաբանությունն ու դեկլարատիվ մասը ինչ-որ չափով այն չէ, որ ռուսամետ է, բայց գոնե հակառուսական կամ ռուսատյաց չէ։ Պատկերացնում եք, թե ինչ մակարդակի են հասել մեր հարաբերությունները, որ մենք խոսում ենք դրա մասին, կարծես առաջընթաց ենք գրանցել» — նշել է փորձագետը։ակ չէ: Այսինքն՝ նրանց հռետորաբանությունն ու դեկլարատիվ մասը ինչ-որ չափով այն չէ, որ ռուսամետ է, բայց գոնե հակառուսական կամ ռուսատյաց չէ։ Պատկերացնում եք, թե ինչ մակարդակի են հասել մեր հարաբերությունները, որ մենք խոսում ենք դրա մասին, կարծես առաջընթաց ենք գրանցել» — նշեց փորձագետը։