Էդգար Ջաղացպանյանը և Արփինե Յոլչյանը՝ «Նորարարական զարգացման ռազմավարություններ» միջազգային մրցույթի հաղթողներ

Դեկտեմբերի 9-ին տեղի է ունեցել «Նորարարական զարգացման ռազմավարություններ» 8-րդ միջազգային մրցույթի արդյունքների ամփոփումը: Մրցույթին մասնակցել են բարձրագույն ուսումնական հաստատությունների բակալավրիատի, մագիստրատուրայի և ասպիրանտուրայի ուսանողներ, դասախոսներ և գիտաշխատողներ, ինչպես նաև քոլեջների ուսանողներ և 8-11-րդ դասարանների աշակերտներ 33 երկրից։

Երիտասարդ գիտնականների գիտահետազոտական աշխատանքների մրցույթի նպատակն է խթանել և զարգացնել ռազմավարության մեթոդաբանությունը, ռազմավարական մտածողությունը և հմտությունները:

Մրցույթի հաղթողների թվում էին նաև Մոսկվայի Լոմոնոսովի անվան պետական համալսարանի Երևան քաղաքի մասնաճյուղի մագիստրանտներ Էդգար Ջաղացպանյանը և Արփինե Յոլչյանը: Էդգարը հաղթել է «Ռազմավարություն տրանսպորտի ոլորտում», իսկ Արփինեն՝ «Ռազմավարություն տնտեսության մեջ» անվանակարգում։