Եվրոպայի առաջնության ընտրական փուլում Հայաստանի ֆուտզալի ընտրանին հաղթել է Դանիայի ընտրանուն

Հայաստանի ֆուտզալի հավաքականը Եվրոպայի առաջնության ընտրական փուլի առաջին խաղում Երևանում հյուրընկալել է Դանիայի ընտրանուն:

ՀՖՖ տեխնիկական կենտրոնում կայացած խաղում մեկնարկային րոպեներին Դանիան կարողացել է երկու գնդակ ուղարկել Հայաստանի ընտրանու դարպասը: Սակայն մինչ մեծ ընդմիջումը, Հայաստանի հավաքականը Մելիքյանի և Պետրոսովի գոլերի շնորհիվ վերականգնել է հաշվի հավասարությունը: Ընդմիջումից անմիջապես հետո Հայաստանի ընտրանին երկու գնդակ է ուղարկել Դանիայի դարպասը: Գոլերը խփել են Դենիս Նևեդրովը և Միհրան Դերմենջյանը: Դանիայի ընտրանուն հաջողվել է միայն կրճատել հաշվի տարբերությունը:

Հայաստան-Դանիա` 4:3:

Ընտրական փուլի երկրորդ հանդիպումը Հայաստանի ընտրանին կանցկացնի դեկտեմբերի 18-ին` արտագնա խաղում մրցելով Ղազախստանի ընտրանու հետ: