Լեհաստանի պատմության մեջ առաջին ահաբեկչությունը․ Կրակովում զինված հարձակման հետևանքով վեց մարդ է զոհվել

Կրակովում հրաձգություն իրականացրած տղամարդու բնակարանում ոստիկանությունը երեք անձի՝ երկու կնոջ և մեկ տղամարդու մարմին է հայտնաբերել։ Այս մասին հայտնում է Լեհաստանի ոստիկանության մամուլի ծառայությունը։

«Polsat News»-ի տվյալներով՝ զոհվածները, հավանաբար, հարձակվողի ընտանիքի անդամներն են։ Հարևանների խոսքով՝ ընտանիքը եղել է սովորական ու հանգիստ, սակայն նախօրեին վեց մարդու կյանք խլած երիտասարդը վերջին շրջանում տարօրինակ և կասկածելի է պահել։

Հիշեցնենք՝ ողբերգությունը տեղի էր ունեցել նախօրեին ցերեկը։ Լեհաստանի քաղաքացին մեքենայով ժամանել էր քաղաքի շուկայի հրապարակ և կրակ բացել անցորդների ուղղությամբ։ Արդյունքում զոհվել է վեց մարդ, ևս 15-ը՝ վիրավորվել։ Հարձակվողը եղել է զինվորական համազգեստով և օգտագործել բանակային նշանակության հրացան։