Վելիկի Ուստյուգից ժամանած Ձմեռ պապն այցելել է Երևանի Արյունաբանական կենտրոնում բուժվող երեխաներին
22 Դեկտեմբերի 2024, 10:23
Ամանորի նախաշեմին Վելիկի Ուստյուգից Հայաստան է ժամանել Ռուսաստանի գլխավոր հրաշագործ Ձմեռ պապը։ Նա այցելել է ՀՀ Յոլյանի անվան արյունաբանական կենտրոնում բուժվող երեխաներին՝ նրանց Նոր տարին ավելի պայծառ ու ուրախ դարձնելու համար, տեղեկացնում է Հայաստանում Ռուսական տան տելեգրամյան ալիքը։
Այս բարի ավանդույթը դարձել է հրաշքների իսկական խորհրդանիշ, որին սպասում են փոքրիկները, նրանց ծնողները և կենտրոնի աշխատակիցները: Ձմեռ պապը եղել է նաև կենտրոնի Կենաց ծառի մոտ։ Ապաքինվելուց հետո երեխաները ծառից կախում են իրենց լուսանկարներով և ցանկություններով բացիկներ՝ դրանով իսկ հույս և ոգեշնչում տալով ուրիշներին:
«Այս հանդիպումները մեր երեխաների համար տարվա ամենակախարդական շրջանն են: Շնորհակալ ենք Ձմեռ պապին հեքիաթի համար, որն օգնում է երեխաներին մոռանալ դժվարությունների մասին և տոնի մթնոլորտ պարգևում: Սա իսկապես ջերմությամբ է լցնում մեր օրերը»,- ասել է կենտրոնի ղեկավար Լիլիթ Սարգսյանը։
Ձմեռ պապը բոլորին մաղթել է առողջություն, երջանկություն և ամենանվիրական ցանկությունների իրականացում՝ նվիրելով նրանց կախարդանքով և վառ հույզերով հագեցած ևս մեկ օր:
Հիմա եթերում
