Նոր Նորքի թաղապետը դաժան ծեծի է ենթարկել ակտիվիստ Արթուր Չախոյանին

Նոր Նորք վարչական շրջանի ղեկավար Տիգրան Տեր-Մարգարյանը թաղապետարանի աշխատակիցների հետ դաժան ծեծի ենթարկեց ակտիվիստ Արթուր Չախոյանին։

Արթուր Չախոյանը, մինչ այդ, Մասիվի թաղապետին զգուշացրել էր, որ գնում է մասնակցելու հանրային քննարկմանը, որը նա է վարելու։

Թաղապետի ընդունարանում ակտիվիստին հանդիպել է թաղապետարանի աշխատակիցներից մեկը, ով հորդորել է խոսել քննարկումից հետո, ապա հայտարարել, թե Չախոյանը «լավ տղա չէ»։

Չախոյանին մեկ այլ աշխատակից հետևից հարվածներ է հասցրել,նրան են միացել նաև մյուս աշխատակիցները։ Թաղապետ Տեր-Մարգարյանը ևս դուրս է եկել իր աշխատասենյակից և բռունցքներով հարձակվել Չախոյանի վրա։

Ոստիկանությունը այս դեպքից հետո բերման է ենթարկել Չախոյանին:

«Բռնությունը ցանկացած դրսևորմամբ անընդունելի է։ Միևնույն ժամանակ, հարկ է նշել, որ հայհոյանքը, վիրավորանքը և անհատի արժանապատվությունը նվաստացնող ցանկացած վարք ևս բռնության ձևեր են և չեն կարող դիտարկվել խոսքի ազատության շրջանակում»,- նշել են Երևանի քաղաքապետարանից: