Սոֆյա Սարուխանյանը ոսկի է բերել Ռուսաստանի հավաքականին՝ դառնալով մուայթայի աշխարհի առաջնության հաղթող

Անթալիայում անցկացվել է մինչև 23 տարեկանների մուայթայի աշխարհի առաջնությունը: Մրցումներին մասնակցել են 76 երկրներից 635 մարզիկներ։ Ռուսաստանի հավաքականը վստահ հաղթանակ է տարել ընդհանուր թիմային հաշվարկում՝ նվաճելով 36 մեդալ, որից 17-ը՝ ոսկե:

Հավաքականում ընդգրկված էր նաև Մոսկվայի ներկայացուցիչ Սոֆյա Սարուխանյանը (մինչև 60 կգ), ով Մ-23 աշխարհի առաջնության հաղթող է։

«Սոֆյա Սարուխանյանը ոսկի է բերել Ռուսաստանի հավաքականին՝ դառնալով աշխարհի առաջնության հաղթող: Մյուս մարզիկները նույնպես վստահ աշխատանք են տարել ռինգում և հաստատել մոսկովյան մուայթայ դպրոցի բարձր մակարդակը: Շնորհակալություն ենք հայտնում մարզիկներին, մարզիչներին և ակումբներին թիմի հաջողության գործում ներդրման համար»,-նշել է Ռուսաստանի մուայթայի ֆեդերացիան։