Ալեքսանդր Գրիգորյանը կարող է գլխավորել «Ալաշկերտ» ֆուտբոլային ակումբը

Ռուսաստանում բնակվող մարզիչ Ալեքսանդր Գրիգորյանը կարող է դառնալ Երևանի «Ալաշկերտ» ակումբի գլխավոր մարզիչը: Հաղորդվում է, որ կողմերն արդեն բանակցություններ են վարել միմյանց հետ, որտեղ քննարկվել են ապագա պայմանագրի մանրամասները: Ընդ որում, 58-ամյա մասնագետի նշանակումը հայկական ակումբում կախված է նրանից, թե կկարողանա արդյոք «Ալաշկերտ»-ի սեփականատերը պայմանավորվել նոր հովանավորների հետ:

Ավելի վաղ՝ 2021 թվականի մայիսի 20-ից սեպտեմբերի 20-ը, Գրիգորյանն արդեն գլխավորել է այդ ակումբը։ Պրոֆեսիոնալ ֆուտբոլում մարզչի վերջին աշխատավայրը եղել է առաջին լիգայում հանդես եկող Կրասնոդարի «Կուբան»-ը (2023 թվականի մայիսից սեպտեմբեր)։

«Ալաշկերտ»-ը 2024-2025թթ. մրցաշրջանում Հայաստանի առաջնության ամփոփիչ մրցաշարային աղյուսակում 11-ից զբաղեցրել է 9-րդ տեղը և այդպիսով պահպանել է գրանցումն ազգային առաջնության բարձրագույն դիվիզիոնում: