Իրանի ԱԳՆ-ն դատապարտել է ԻՀԿ հայտարարության մեջ Հայաստանին առնչվող ձևակերպումները
30 Հունիսի 2025, 23:10
Իրանական պետական IRNA լրատվական գործակալության պաշտոնական կայքում հայտնվել է Թեհրանի դիրքորոշման թարմացումը՝ Իսլամական համագործակցության կազմակերպության (ԻՀԿ) ռեզոնանսային հռչակագրի վերաբերյալ։
Իսլամական Հանրապետության արտաքին գործերի նախարարության մամուլի քարտուղար Էսմայիլ Բաղային նշել է, որ փաստաթղթում օգտագործված որոշ արտահայտություններ անընդունելի են Իրանի համար. «ԻՀԿ-ի կողմից որոշ հասկացությունների, բառերի և արտահայտությունների օգտագործումը մեզ համար անընդունելի է։ Մենք համոզված ենք, որ նման ձևակերպումները, որոնք կարող են ակնարկել աշխարհաքաղաքական փոփոխությունների ձգտում, բացարձակապես կառուցողական չեն և չպետք է դառնան տարածաշրջանի երկրների գործնական քաղաքականության հիմքը»,- ասել է Բաղային։
Այսպիսով, պաշտոնական Թեհրանը հասկացրել է, որ չի աջակցում դրույթներին, որոնք կարող են մեկնաբանվել որպես ճնշում տարածաշրջանի երկրների, այդ թվում՝ Հայաստանի, ինքնիշխանության կամ տարածքային ամբողջականության վրա։
Հիմա եթերում
