Չորս հայ դարձել է «Ռուսաստանի մեդիամենեջեր» մրցանակի դափնեկիր

Մոսկվայում տեղի է ունեցել մեդիաբիզնեսի ոլորտում գլխավոր իրադարձությունը՝ «Ռուսաստանի մեդիամենեջեր» ազգային մրցանակի հանձնման հանդիսավոր արարողությունը: Մրցանակակիրներից 4-ը հայեր են, որոնք առաջատար մեդիաընկերությունների ներկայացուցիչներ են:

«Տարվա բիզնես» անվանակարգում մրցանակը հանձնվել է Russ Outdoor-ի գործադիր տնօրեն Ռոբերտ Միրզոյանին:

RUTUBE-ի գլխավոր պրոդյուսեր Դավիթ Քոչարովին պարգևատրել են «RUTUBE հարթակի զարգացման և ռուսական մեդիատարածքի հանրահռչակման համար»:

«Գազպրոմ-Մեդիա ժամանցային հեռուստատեսության» գլխավոր տնօրենի տեղակալ Բորիս Խանչալյանին շնորհվել է մրցանակ «TNT ալիքի իմիջը ձևավորող եզակի սերիալային և կինոնախագծերի ընտրության ճիշտ ռազմավարության ստեղծման համար»:

«КРОС»- ի գլխավոր տնօրեն Եկատերինա Մովսեսյանն արժանացել է «Հաճախորդների սպասարկման բարձր մակարդակի պահպանման, բիզնեսի զարգացման և ներկայիս իրողություններում անձնակազմի պահպանման համար» մրցանակին: