Հայկական բանկերը տվյալներ են հավաքում Հայաստանում հաշիվներ ունեցող ռուսաստանցիներից

Հայկական բանկերն ու բրոքերային ընկերություններն տվյալներ են խնդրում Հայաստանում բնակվող ռուսաստանցիներից նրանց հարկային ռեզիդենտության մասին՝ Ռուսաստանի հետ ֆինանսական տեղեկատվության ավտոմատ փոխանակմանը նախապատրաստվելու շրջանակներում, հայտնում է ՌԲԿ-ն։

2024 թվականի տվյալների առաջին փոխանակումը տեղի կունենա արդեն 2025 թվականի սեպտեմբերին։ «NSV Consulting»-ի կառավարիչ գործընկեր Սերգեյ Նազարկինը նշել է, որ արտասահմանյան հաշիվներ բացելու համար Հայաստանը դարձել է ռուսաստանցիների շրջանում ամենատարածված հետխորհրդային պետությունը։

Նշվում է նաև, որ տուգանքներից խուսափելու համար բանկերն ինքնուրույն են որոշում հաճախորդների հարկային ռեզիդենտությունը։

Հայաստանը վավերացրել է ֆինանսական տեղեկատվության ավտոմատ փոխանակման մասին բազմակողմ համաձայնագիրը 2023 թվականին և սկսել նման փոխանակումներն այս տարի։ Ռուսաստանը միացել է CRS ստանդարտին 2016 թվականին և ավտոմատ փոխանակումը սկսել է 2018 թվականին։ Դաշնային հարկային ծառայությունը հաստատել է ավտոմատ փոխանակման համար երկրների ցանկը՝ ներառելով Հայաստանը. փոփոխություններն ուժի մեջ են մտել 2024 թվականի դեկտեմբերի 31-ին։

Ռուսաստանի օրենսդրության համաձայն՝ հարկային ռեզիդենտ են ճանաչվում այն անձինք, որոնք երկրում գտնվում են տարեկան առնվազն 183 օր։

Հայկական օրենսդրությունը ռեզիդենտությունը սահմանում է նմանատիպ սկզբունքով կամ կենսական շահերի կենտրոնի չափանիշով։ Հայկական բանկերի հաճախորդները կարող են տրամադրել երրորդ երկրների հարկային ռեզիդենտության վկայականներ՝ ռուսական հարկային մարմիններին տվյալների փոխանցումից խուսափելու համար։

Հայաստանի ֆինանսական շուկայի աղբյուրը հաստատել է տեղական կարգավորող մարմիններից պահանջներ ստացումը։ Տեղեկատվություն չտրամադրելու դեպքում հաշիվների սպասարկումը կասեցվում է։ Հարցումներն ուղղվում են ոչ միայն անձնական հաշիվների սեփականատերերին, այլև ընկերությունների վերահսկող անձանց և շահառուներին։