Հայկական ծիրան, ազգային երգ ու պար․ Մոսկվայում կայացավ «Ծիրան-2023» փառատոնը
17 Հուլիսի 2023, 19:28
«Ծիրան» բազմազգ փառատոնն արդեն 13-րդ տարին անընդմեջ անցկացվում է Մոսկվայում և ամենասպասված տոներից է։ Այս տարի փառատոնի անցկացման վայրն ընտրվել էր մոսկովյան խոշորագույն ցուցահանդեսային կենտրոններից մեկը՝ ВДНХ-ն։ ВДНХ-ի ողջ տարածքում անցկացվել են տարբեր միջոցառումներ՝ մշակութային, սպորտային, մանկական-ժամանցային։ Սպորտային միջոցառումների շարքում անցկացվել են ֆուտբոլի, նարդու և շախմատի մրցաշարեր։
Մշակութային միջոցառումների շարքը բազմազան էր՝ ազգայինից մինչև ժամանակակից երգուպար։ Հարուստ գունապնակով ներկայացված էր նաև Դաշնության տարածքում ապրող ազգերի մշակույթը՝ շուրջ 80 ազգային և ժամանակակից երգ ու պարի կոլեկտիվներ։
Հայկական երգ ու պարը մեծ բազմազանությամբ ներկայացրել են Մոսկվայից և Մերձմոսկվայից ժամանած բազմաթիվ երաժշտական համայնքային կոլեկտիվները։ «Ծիրան-2023» փառատոնը եզրափակվել է Հայաստանից բերված ծիրանի հյուրասիրությամբ։
Հիմա եթերում
