Ջերարդ Լևոն Գաֆեսճյան. գործարարն ու բարերարը

Ջերարդ Լևոն Գաֆեսճյանը ծնվել է 1925 թվականին Բրուքլինում, նրա ծնողները Հայոց ցեղասպանության հետևանքով փախստական են դարձել ։

Գաֆեսճյանն իր կարիերան սկսել է West Publishing հեղինակավոր հրատարակչությունում որպես իրավաբանական խմբագիր։

Ջերարդը զբաղեցրել է գովազդի գծով տնօրենի, մարքեթինգի և վաճառքի գծով փոխնախագահի, կառավարության հետ կապերի գծով տնօրենի, գործադիր փոխնախագահի և տնօրենների խորհրդի անդամի պաշտոնները։

Տղամարդը գրեթե ամբողջ կյանքը նվիրել է բիզնեսին։ Նա եղել է այնպիսի հայտնի նորաձև ռեստորանների ցանցի բաժնետեր, ինչպիսիք են իտալական Campiello-ն, D ‘Amico & Sons ռեստորանների ցանցը, որը բաղկացած է տասներեք փոքր ռեստորաններից և D’ Amico Catering-ը, որը հայտնի ռեստորանային ընկերություն է ֆուրշետների կազմակերպման ոլորտում:

Ջերարդ Գաֆեսճյանը մեծ ուշադրություն է դարձրել բարեգործական գործունեությանը, որի նպատակն էր լուծել ազգային խնդիրները:

1996 թվականին գործարարը բացել է «Գաֆէսճեան ընտանիք» հիմնադրամը, որն ուղղված էր հայ ժողովրդի կյանքի բարելավմանը և բարեկեցությանը: Ավելի քան 50 միլիոն դոլար Գաֆեսճյանը ներդրել է այս հիմնադրամում՝ Հայաստանի պատմամշակութային արժեքների պահպանման նպատակով։

Ջերարդը Վաշինգտոնում Հայոց ցեղասպանության թանգարանի հոգաբարձուների խորհրդի անդամ էր։

Այժմ հիմնադրամը հովանավորում է մի շարք ծրագրեր, որոնք ապահովում են Հայաստանում աշխատատեղերի ստեղծումը, արժանապատիվ տնտեսական գործունեության զարգացումն ու պահպանումը: