Ուխտագնացություն՝ դեպի Խնածախի Ս. Աստվածածին եկեղեցի

Սուրբ Թադեոս առաքյալի և Սուրբ Սանդուխտ կույսի հիշատակության օրը կազմակերպվել է ոտքով ուխտագնացություն:

ՀԱՍԵ Արցախի թեմից փոխանցում են, որ Ստեփանակերտի Սուրբ Աստվածածին առաջնորդանիստ եկեղեցու երիտասարդաց միության մի քանի անդամներ եկեղեցու հոգևոր հովիվ արժանապատիվ Տեր Մատթեոս քահանա Դրավանցի օրհնությամբ և առաջնորդությամբ Ստեփանակերտից ոտքով շարժվել են դեպի Խնածախ գյուղի Սուրբ Աստվածածին եկեղեցի: Եկեղեցում Տեր Մատթեոս քահանա Դրավանցը կատարել է գիշերային ժամերգություն:

Տեր Հայրը ուխտավորներին ներկայացրել է տոնի խորհուրդն ու նշանակությունը: