Ռուսաստանի դեմ պատժամիջոցներն ավելի շատ սիմվոլիկ բնույթ ունեն, քան սպառնալիք տարածաշրջանի համար. Պյոտր Կոլչին

Քաղաքագետ և ռազմական փորձագետ Պյոտր Կոլչինը Alpha News-ի հետ զրույցում մեկնաբանել է Ռուսաստանի դեմ Եվրամիության պատժամիջոցների նոր փաթեթը:

Փորձագետի խոսքով՝ Հարավային Կովկասի, ինչպես նաև Ռուսաստանի համար Թրամփի և ԵՄ-ի կողմից պատժամիջոցների նոր ալիքը ավելի շատ սիմվոլիկ բնույթ է կրում:

«Թրամփը վերջնականապես զրկվում է խաղաղապահի կարգավիճակից, իսկ չեզոք դիրք գրավելու նրա փորձերը ոչնչի չեն հանգեցնում։ Արդյունքում պատժամիջոցներ են սահմանվում, այդ թվում՝ էներգետիկ հատվածի դեմ, որոնք Ռուսաստանն, անշուշտ, հաջողությամբ կկարողանա հաղթահարել, ինչպես բազմիցս ապացուցել է վերջին տարիներին՝ օգտագործելով համագործակցության նոր ձևաչափեր և ուղղություններ։

Ռուսաստանի գլխավոր տնտեսական գործընկերների՝ Հնդկաստանի և Չինաստանի դիրքորոշման հաստատակամությունը ցույց է տալիս, որ պատժամիջոցների զինանոցը, որպես ամբողջություն, զգալիորեն կորցրել է իր արդյունավետությունն ու նշանակությունը։ Անկախ Սպիտակ տան հայտարարություններից, ԵՄ պատժամիջոցների 19-րդ փաթեթը շատ սահմանափակ է։ Ներկայիս պատժամիջոցներն ավելի շատ սիմվոլիկ նշանակություն ունեն։ Հարավային Կովկասի համար դա նշանակում է, որ Արևմուտքի և Ռուսաստանի դիմակայությունը ոչ մի տեղ չի գնա, Թրամփի խաղաղարարությունը դադարեցված է, իսկ ՆԱՏՕ-ի կողմից առաջացած որոշակի լարվածությունը մնում է այդ տարածաշրջանում», — ասել է Կոլչինը։