Աբխազիայում կայացել է «Համշեն» ամենամյա 7-րդ փառատոնը
17 Նոյեմբերի 2025, 20:02
Աբխազիայի Հանրապետության Օչամչիրայի շրջանի Արակիչ գյուղում նոյեմբերի 14-ին տեղի է ունեցել մշակույթի և կենցաղի «Համշեն» ամենամյա յոթերորդ փառատոնը։
Ծրագրում ներառված էին ազգային ուտեստների համտես, կենցաղային իրերի և արհեստների ցուցահանդես, ինչպես նաև Աբխազիայի և Ռուսաստանի հայտնի արտիստների ու ստեղծագործական խմբերի ելույթներ։ Փառատոնին ներկայացվել են նաև Սուխումի, Գագրայի, Գուդաութայի, Օչամչիրայի, Գուլրիփշի շրջանների սփյուռքի տաղավարները։ Միջոցառմանը մասնակցել է նաև Առևտրաարդյունաբերական պալատի պատվիրակությունը։
«Մենք հավատարիմ ենք ավանդույթներին։ Մեր սրտերը սահմաններ չեն ճանաչում, քանի որ մեր Հայրենիքը մեկն է, և դրա բարօրությունը բոլորիս ընդհանուր գործն է»,- նշել է Աբխազիայի հայ համայնքի ղեկավար Ալիկ Մինոսյանը։
Հիմա եթերում
