ՀՀ ԿԲ․ Միջսահմանային փոխանցումներն աճել են 9,5%-ով

Հայաստանի Կենտրոնական բանկի հաշվետվության համաձայն՝ երկրի բանկային համակարգի միջոցով ֆիզիկական անձանց օգտին միջսահմանային փոխանցումների զուտ ներհոսքը 2025 թվականի հունվար-հոկտեմբեր ամիսներին կազմել է 1,15 մլրդ դոլար։ Դա 9,5%-ով գերազանցում է 2024 թվականի նույն ժամանակահատվածի ցուցանիշը (1,05 մլրդ դոլար)։

Փոխանցումների հիմնական աղբյուրները շարունակում են մնալ Ռուսաստանը (3,04 մլրդ դոլար) և ԱՄՆ-ը (598,96 մլն դոլար): Այդ երկրներն առաջատար են եղել նաև մեկ տարի առաջ՝ համապատասխանաբար 2,91 մլրդ դոլար և 564,6 մլն դոլար։

Միևնույն ժամանակ, Հայաստանից արտերկիր միջոցների արտահոսքը 2025 թվականի տասը ամիսներին հասել է 3,61 մլրդ դոլարի՝ մեկ տարի առաջվա 3,47 մլրդ դոլարի փոխարեն։ Փոխանցումների գծով առաջատարներն են Ռուսաստանը (624,6 մլն դոլար) և ԱՄԷ-ն (536,2 մլն դոլար): 2024 թվականի հունվար-հոկտեմբերին առաջին հորիզոնականներում են եղել նաև ԱՄԷ-ն (739,9 մլն դոլար) և Ռուսաստանը (550,4 մլն դոլար)։