Օրմուզի նեղուցում խորտակվում են հարձակման ենթարկված տանկերը

Իրանի պետական հեռուստառադիոընկերությունը՝ IRIB-ը, հաղորդել է, որ Օրմուզի նեղուցում հարձակման ենթարկված նավթատար տանկերը սկսել են խորտակվել։

Ավելի վաղ Ծովային անվտանգության կենտրոնը РИА Новости-ին հայտնել էր, որ Պալաուի դրոշի ներքո գործող նավը հարձակման է ենթարկվել Օմանի ափերի մոտ, ինչի հետևանքով տուժել են անձնակազմի չորս անդամներ։

Իրանական հեռարձակողը հրապարակել է կադրեր, որտեղ երևում է կրակի մեջ գտնվող նավը և ղեկավարման հատվածից բարձրացող խիտ սև ծուխը։ Տեսանյութին կից նշվում է. «Ահա հետևանքները այն բանի, երբ խախտում իրականացրած տանկերը փորձել են ապօրինի կերպով հատել Օրմուզի նեղուցը և ենթարկվել են հարվածի։ Այժմ այն խորտակվում է»։

Հիշեցնենք, որ ավելի վաղ Իրանի իշխանությունները հայտարարել էին նեղուցի փակման մասին։