ԵՏՀ-ն Հայաստանին տրամադրել է սակագնային արտոնություն՝ խոշոր եղջերավոր անասունների մսի ներմուծման համար

Եվրասիական տնտեսական հանձնաժողովը 2026 թվականին անդամ երկրների համար խոշոր եղջերավոր անասունների մսի ներկրվող որոշ տեսակների վրա մաքսատուրքից ազատման տեսքով սակագնային արտոնություն է տրամադրել։

Մասնավորապես, ԵՏՀ խորհուրդը Հայաստանին տրամադրել է սակագնային արտոնություն՝ 2026 թվականին մինչև 7,5 հազար տոննա խոշոր եղջերավոր անասունների միս ներմուծելու համար՝ ազատելով այն ներմուծման մաքսատուրքից։

ԵՏՀ-ից հայտնում են, որ միջոցառումը նպատակային բնույթ է կրում և ենթադրում է ներմուծվող արտադրանքի նշանակության հաստատում։