«Մոստ» թատրոնում կայացել է Դոլմազյանի «Նավը վերադառնում է տուն» ներկայացման պրեմիերան
15 Մայիսի 2026, 19:20
«Մոստ» թատրոնում տեղի է ունեցել ռեժիսոր Գեորգի Դոլմազյանի բեմադրած «Նավը վերադառնում է տուն» ներկայացման պրեմիերան։ Ներկայացման հիմքում Էրիխ Մարիա Ռեմարկի «Երեք ընկեր» վեպն է։
«Բոլոր տեքստերը, որոնք հնչում են ներկայացման մեջ, Ռեմարկի բնագիրն են, բայց դա ամբողջությամբ նոր թարգմանություն է։ Քանի որ 1950-ականներին արված թարգմանությունը հնչում է հենց այդ ժամանակաշրջանի լեզվով։ Կան բազմաթիվ բառեր, որոնք այսօր արդեն դուրս են եկել մեր բառապաշարից և հնչում են ոչ բնական։ Մենք 2026 թվականում ենք ապրում։ Ես չեմ ասում, որ մենք բառերը փոխել ենք կարճ արտահայտություններով կամ փողոցային ժարգոնով։ Ո՛չ։ Սա ժամանակակից գրական թարգմանություն է»,- նշել է Դոլմազյանը։
Ռեմարկի վեպը գրվել է 1936 թվականին, իսկ ներկայացումը բեմադրվել է 1930-ականների կաբարեի ոճով։
Հիմա եթերում
