Անհայտ անձինք սպանել են Ուկրաինական ուղղափառ եկեղեցու Սվյատոգորսկի վանքի վանականին
24 Օգոստոսի 2026, 11:01
Անհայտ անձինք հարձակվել են Ուկրաինական ուղղափառ եկեղեցուն պատկանող Սվյատոգորսկի Սուրբ Վերափոխման վանքի միաբանության անդամների վրա և դանակահարելով սպանել վանական Վարսոնոֆիին։ Այս մասին տելեգրամյան իր ալիքում հայտնել է Ուղղափառ լրագրողների միությունը։
«Հարձակումը տեղի է ունեցել առավոտյան ժամը 11-ի սահմաններում՝ վանքի վերին հատվածում գտնվող Սուրբ Նիկոլայ եկեղեցու մոտ։ Վանական Վարսոնոֆին դանակով դաժանաբար սպանվել է, իսկ նրա դեմքն այնպես է այլանդակվել, որ հնարավոր չի եղել ճանաչել», — ասվում է հաղորդագրության մեջ։
Միությունից նաև հայտնել են, որ հարձակման հետևանքով տուժել են Անդրեյ անունով սպասավորը և Գրիգորի անունով վանականը, որի թոքը դանակահարության հետևանքով վնասվել է։ Նրանց ծանր վիճակում տեղափոխել են Խարկովի հիվանդանոցներից մեկը։
Միության տեղեկություններով՝ այժմ իրականացվում են օպերատիվ և քննչական միջոցառումներ։
Հիմա եթերում
