Ռուսաստանից Հայաստան դրամական փոխանցումները 7 ամսում աճել են 46,6%-ով

2026 թվականի հունվար-հուլիսին Ռուսաստանի Դաշնությունից Հայաստան կատարված դրամական փոխանցումների ծավալը կազմել է 3,1 մլրդ դոլար՝ նախորդ տարվա նույն ժամանակահատվածի համեմատ ավելանալով 46,6%-ով։ Այս մասին հայտնում է ՌԴ առևտրային ներկայացուցչությունը՝ հղում անելով Կենտրոնական բանկի տվյալներին։

Ռուսաստանը շարունակում է մնալ դեպի Հայաստան դրամական փոխանցումների հիմնական աղբյուրը․ նրա մասնաբաժինն ընդհանուր հոսքերում 64%-ից հասել է 69%-ի։

Փոխանցումների ծավալով երկրորդ տեղում ԱՄՆ-ն է (468,3 մլն դոլար), որին հաջորդում են Արաբական Միացյալ Էմիրությունները (117,5 մլն դոլար), Մեծ Բրիտանիան (116,3 մլն դոլար) և Գերմանիան (68,6 մլն դոլար)։

Նշված ժամանակահատվածում Հայաստան մուտք գործած միջոցների ծավալը 1,9 մլրդ դոլարով գերազանցել է արտահոսքը։ Այս ցուցանիշը 2,6 անգամ գերազանցում է նախորդ տարվա համապատասխան արդյունքը։

ՌԴ առևտրային ներկայացուցչության գնահատմամբ՝ 2026 թվականին նկատվում է անդրսահմանային դրամական հոսքերի ակտիվացում, ընդ որում՝ Ռուսաստանը շարունակում է պահպանել իր առաջատար դիրքը։