Գլենդելի մշակութային փառատոնը նվիրվել է Արցախի ժառանգությանը

Գլենդելում անցկացվել է առաջին «Glendale Cultural Festival»-ը՝ նվիրված քաղաքի մշակութային բազմազանությանը և միջազգային կապերին։ Միջոցառումն անցկացվել է «Artsakh Paseo»-ի տարածքում և քաղաքի բնակիչների համար եղել է անվճար։

Ծրագրում ներկայացվել են հայկական երաժշտություն և պարեր, ինչպես նաև Գլենդելի քույր քաղաքների՝ Հայաստանի, Դոմինիկյան Հանրապետության, Ճապոնիայի, Մեքսիկայի, Ֆիլիպինների և Հարավային Կորեայի մշակույթները։ Առանձնահատուկ ուշադրություն է դարձվել Արցախի ժառանգությանը։

The Armenian Report-ի տվյալներով՝ կազմակերպիչները հայտարարել են նաև Արցախի Մարտունի քաղաքի մշակութային ժառանգությանը նվիրված առանձին միջոցառում անցկացնելու մասին։