Սա խնդրահարույց չէ, սա հանցագործություն է․ փաստաբանը՝ կապարակնքումների մասին

արցը հետևյալն է՝ սա խնդրահարույց չէ, սա հանցագործություն է, որովհետև եթե լիազորություն չունես, բայց իրականացնում ես այդ լիազորությունը չունենալով, դա ուրիշ ոչ մի բան չէ։ Այս մասին հայտարարել է փաստաբան Արամ Օրբելյանը՝ անդրադառնալով քննչական մարմինների կողմից բիզնես գործունեության սահմանափակմանը և տարածքների կապարակնքմանը։

Օրբելյանի խոսքով՝ ՀՀ քրեական դատավարության օրենսգիրքը քննիչին ընդհանուր առմամբ բիզնես գործունեություն իրականացնող տարածքը կապարակնքելու լիազորություն չի տալիս։ Նրա պնդմամբ՝ քննիչը կարող է սահմանափակել մուտքն ու ելքը խուզարկության կամ այլ քննչական գործողության իրականացման ընթացքում, սակայն այդ սահմանափակումը չի կարող շարունակվել քննչական գործողության ավարտից հետո՝ առանց համապատասխան իրավական հիմքի։

«Քննիչը կարող է անել միայն այն, ինչ թույլատրված է։ Եթե նայենք Քրեական դատավարության օրենսգիրքը, փորձենք գտնել՝ արդյոք որևէ հոդված քննիչին իրավունք տալիս է կապարակնքել բիզնեսը, նման լիազորություն չենք գտնի։ Քննչական գործողության ընթացքում կարող են սահմանափակել մուտքն ու ելքը, բայց այդ գործողության ավարտից հետո նման սահմանափակում շարունակելու իրավունք չկա»,– նշել է փաստաբանը։