Իրանը հիջաբ կրող ադրբեջանցի ուսանողուհիներին առաջարկել է ուսումը շարունակել իր բուհերում
25 Հոկտեմբերի 2026, 18:50
Իրանի առաջին փոխնախագահ Մոհամմադ Ռեզա Արեֆը կոչ է արել ադրբեջանցի աղջիկներին և կանանց, որոնք հիջաբ կրելու պատճառով բախվում են սահմանափակումների, շարունակել կրթությունը իրանական բուհերում։ Այս մասին տեղեկացնում է Mehr-ը։
Սոցիալական ցանցերում հրապարակման մեջ Արեֆը շնորհակալություն է հայտնել Իրանի գիտության նախարարությանը՝ հիջաբ կրող ադրբեջանցի ուսանողուհիներին ընդունելու համալսարանների պատրաստակամության համար։ Նա նաև կոչ է արել կրթական գերատեսչությունների ներկայացուցիչներին և բուհերի ղեկավարությանը ձեռնարկել անհրաժեշտ միջոցներ, որպեսզի նրանց հնարավորություն տրվի շարունակել ուսումը։
Հայտարարությունը հնչել է Ադրբեջանի ուսումնական հաստատություններում հիջաբով ուսանողուհիների և դասախոսուհիների նկատմամբ սահմանափակումների ֆոնին։ Այս միջոցները բողոքներ են առաջացրել։
Ավելի վաղ Թեհրանի համալսարանի «Բասիջ» ուսանողական կազմակերպությունը բողոք էր հայտնել ենթադրյալ սահմանափակումների դեմ՝ Ադրբեջանի դեսպանատան մոտ պաստառ տեղադրելով։
Հիմա եթերում
