Եվլախում Ստեփանակերտի և Բաքվի ներկայացուցիչների բանակցություններն ավարտվել են
21 Սեպտեմբերի 2023, 13:38
Եվլախում Ստեփանակերտի և Բաքվի ներկայացուցիչների բանակցություններն ավարտվել են։ Այս մասին հայտնում են ադրբեջանական լրատվամիջոցները։
Նշվում է, որ բանակցությունների արդյունքները դեռ չեն հրապարակվել:
Ավելի վաղ հայտնել էինք, որ արցախյան կողմից բանակցություններին մեկնել էր Արցախի ԱԺ «Արցախի ժողովրդավարական կուսակցություն» խմբակցության պատգամավոր Դավիթ Մելքումյանը։
Ադրբեջանական կողմը ներկայացնում էր պատգամավոր Ռամին Մամեդովը, հայտնում են տեղի լրատվամիջոցները:
Երեկ հայտնի է դարձել, որ Արցախի Հանրապետության իշխանություններն ընդունում են ռուսական խաղաղապահ առաքելություն իրականացնող զորակազմի հրամանատարության առաջարկությունը՝ կրակի դադարեցման վերաբերյալ:
Համաձայնություն է ձեռք բերվել՝
— դուրս բերել Հայաստանի Հանրապետության՝ [Արցախում] մնացած զինված ուժերը ռուս խաղաղապահ զորակազմի տեղակայման գոտուց,
— լիարժեք զինաթափել «Լեռնային Ղարաբաղի պաշտպանության բանակի» զինված խմբավորումները,
— դուրս բերել ծանր տեխնիկան ու սպառազինությունը Լեռնային Ղարաբաղի տարածքից՝ դրանց շուտափույթ ուտիլիզացման նպատակով:
Հիմա եթերում
