Հայ համայնքը Լյուքսեմբուրգում ակցիա է իրականացրել` կոչ անելով պատժամիջոցներ կիրառել Ադրբեջանի նկատմամբ

Լյուքսեմբուրգի հայ համայնքը հոկտեմբերի 7-ին Լյուքսեմբուրգի կենտրոնում ակցիա է իրականացրել՝ ուշադրություն հրավիրելով  Ադրբեջանի կողմից Արցախի էթնիկ զտման փաստին, կոչ անելով եվրոպացիներին մտահոգություն հայտնելու փոխարեն պատժամիջոցներ կիրառել Ադրբեջանի նկատմամբ և անհապաղ ազատ արձակել Ադրբեջանի կողմից գերեվարված Արցախի նախկին և ներկա պետական  գործիչներին, անօրինական կերպով Ադրբեջանում պահվող  բոլոր հայ գերիներին: 

«Մենք Լյուքսեմբուրգի հանրության ուշադրությունը հրավիրեցինք Ադրբեջանի կողմից իրականացվող  էթնիկ զտման քաղաքականության վրա,  որի հետևանքով 120 հազար հայ բռնի տեղահանվել է իր պատմական հայրենիքից: Կոչ  արեցինք միանալ մեզ ու միասին մեր ձայնը բարձրացնել՝ առաջնահերթ պաշտպանելու համար անօրինական կերպով կալանավորված բոլոր հայերի իրավունքները և  ճնշում գործադրել, որպեսզի նրանց շուտափույթ, անվտանգ և առանց վերապահումների ազատ արձակեն:

Նրանց թվում է նաև մեր շատ լավ բարեկամն ու ընկերը՝ հայտնի բարերար, «Ավրորա» մարդասիրական մրցանակի համահիմնադիր և մարդասիրության ջատագով  Ռուբեն Վարդանյանը, ով այդ ծանր շրջանում, ի տարբերություն մեզ,  արցախահայության կողքին էր»,- NEWS.am-ին ասել է Լյուքսեմբուրգի հայ համայնքի ներկայացուցիչ և  ակցիայի կազմակերպիչ Վահե Առաքելյանը: 

Ակցիայի մասնակիցների թվում է եղել նաև աշխարհահռչակ սոպրանո Մարիա Գուլեգինան