Պսկովում «Արվեստների գիշեր» միջոցառմանը առաջին անգամ կներկայացվեն Այվազովսկու երկու նկարները

«Արվեստների գիշեր» համառուսաստանյան միջոցառմանը Պսկովի թանգարանի աշխատակիցներն առաջին անգամ լայն հանրությանը կներկայացնեն հայ ականավոր ծովանկարիչ Հովհաննես Այվազովսկու երկու կտավները, որոնք պահվում են հաստատության ֆոնդերում։ Այս մասին ՏԱՍՍ-ին հայտնել է հաստատության գլխավոր տնօրեն Սվետլանա Մելնիկովան։

««Արվեստների գիշեր» միջոցառման շրջանակներում Պսկովի թանգարանում կներկայացվեն Այվազովսկու երկու ստեղծագործությունները։ Եզակիությունը կայանում է նրանում, որ դրանք պահվում են թանգարանի ֆոնդերում, չեն մասնակցում մշտական ​​ցուցադրություններին և չեն ներկայացվել լայն հանրությանը»,- ասել է Մելնիկովան։