Պանկրատիոն սպորտի վարպետ Զոհրաբ Օհանյանը Սևաստոպոլում կնոջը փրկել է կողոպուտից

Մարզական ակումբի երկու մարզիչ Միխայիլ Գերմանովիչը և պանկրատիոն սպորտի վարպետ Զահրաբ Օհանյանը Սևաստոպոլում փրկել են կնոջը կողոպուտից:

Անհայտ անձը կնոջ ուսից քաշել է պայուսակը և փախուստի դիմել։ Օգնության կանչերին արձագանքել են մարզիկները։ Երիտասարդները բռնել են գողին, վերադարձրել պայուսակը կնոջը, իսկ դրանից հետո սպասել ոստիկանության աշխատակիցներին։

Միջադեպը հայտնվել է տեսահսկման խցիկում, իսկ երիտասարդները դարձել են սոցիալական ցանցերի հերոսներ։