Կրասնոդարում կայացել է «Արցախ» էթնոմշակութային կենտրոնի առաջին հանդիպումը
13 Դեկտեմբերի 2023, 20:32
Դեկտեմբերի 10-ին Կրասնոդարում տեղի է ունեցել Արցախի էթնոմշակութային կենտրոնի անդամների առաջին հանդիպումը։
Ներկաների մեջ ճնշող մեծամասնությունը արցախցիներն էին։ Միջոցառման ընթացքում ստորագրվել է հռչակագիր Կրասնոդարի երկրամասի տարածաշրջանային հայկական ազգային-մշակութային ինքնավարության հիման վրա Արցախի էթնոմշակութային կենտրոն ստեղծելու մասին՝ լեզվի, մշակույթի, հոգևորության, պատմական արժեքների, սովորույթների և ավանդույթների պահպանման նպատակով։
Կենտրոնի գործունեությունը օրհնել է Հայ առաքելական եկեղեցու Կրասնոդարի և Հյուսիսային Կովկասի թեմի առաջնորդ Մովսես արքեպիսկոպոս Մովսեսյանը։
Հանդիպման նպատակն է եղել Կրասնոդարի երկրամասի հայ համայնքի ներկայացուցիչներին տեղեկացնել կենտրոնի հիմնադրման մասին և ծանոթանալ դրա գործունեության հիմնական ուղղություններին, ինչպես նաև ներգրավել համախոհներին:
Հիմա եթերում
